طالبان دکران و منجان ولسوالۍ ونیول

آریانانیوز: دیوراپورله مخی د بدخشان ولایت کران و منجان ولسوالۍ چې له څه مودې راپدېخوا د طالب او دولتي سرتېرو تر منځ د خونړیو جګړو شاهده پاتې شوې وه ؛ د طالبانو لاس ته ولوېده.

د بدخشان ولایت د ولایتي شورا د غړي «جاوید مجددي» وویل . چې له یوه کلي پرته د کران و منجان ولسوالۍ اړوندې ټولې سیمې د طالبانو لاس ته ولوېدې.
کران و منجان ولسوالۍ چې په همدې نامه د لاجوردو ستر کان پکې موقیعت لري کابو یوه اونۍ وړاندې هم طالبانو ورباندې برید کړی وو، دولتی سرتېرو ته یې درانه تلفات اړولي وو او د کران و منجان د لاجورو د کان واک یې په لاس کې اخستی وو.