د افغان ښځو په منځ کې د خپګان ضد درملو د استعمال زیاتوالی

آریانانیوز: د راپورونو له مخې د افغان مېرمنو په منځ کې د خپګان ضد درملو کارول ډېر شوي دي. په افغانستان کې د طالبانو له واکمنۍ سره، ښځې او نجونې یو ځل بیا د ټولنې په حدودو کې بندیانې شوې.

د کار، سیاسي، ټولنیزو او فرهنګي فعالیتونو څخه د ښځو محرومیت او همدارنګه د نجونو پر وړاندې د ښوونځیو او پوهنتونونو موقتي تړل کیدل د نجونو په منځ کې د خپګان او رواني ناروغیو د پام وړ زیاتوالی لامل شوی دی.

د راتلونکي په اړه د ښځو مایوسي او د دې مایوسۍ رواني پایلې په داسې حال کې راځي چې طالبان د ښځو د حقونو د تامینولو ادعا کوي. طالب چارواکو خپل تبلیغات د ښوونځیو او پوهنتونونو د دروازو په خلاصولو متمرکز کړي دي.

ذبیح الله مجاهد په دې وروستیو کې د ښځو د نړیوالې ورځې په مناسبت وویل چې دوی ښځو ته د هغوی د شرعي حقونو ورکولو ته ژمن دي. خو د دې حقونو چوکاټ څه ډول دی او څومره د نن ورځې د ښځو او نجونو له لید سره سمون لري هغه مسله ده چې طالبان پرې نه پوهیږي او نه یې تشریح کوي.