د کاناډا د کډوالۍ پخوانی وزیر: عمران خان چلباز او دروغجن دی

آریانانیوز: د کاناډا د کډوالۍ پخوانی وزیر کریس الیګزانډر: عمران خان یو بې شرمه چلباز او دروغجن دی چې د لسیزو راهیسې د طالبانو ملاتړی و.

د پاکستان ډیلی ټایمز په وینا ، د کاناډا د کډوالۍ پخوانی وزیر او د افغانستان لپاره د ملګرو ملتونو عمومي منشي کریس الیګزانډر په خپل ټویټر حساب کې د عمران خان په اړه لیکلي چې هغه یو لوی دوکه باز دی. یو بې شرمه دروغجن او فریبکار چې له لسیزو راهیسې د طالبانو تر ټولو بې عقله ملاتړو په منځ کې و.

په افغانستان کې د پاکستان ښکاره مداخلې په اړه ، هغه زیاته کړه چې د پاکستان د نیابتي جګړې له امله په افغانستان کې د امریکا ماتې په 21 مه پیړۍ کې د متحده ایالاتو ستراتیژیک اعتبار ته یو ګوزار دی.

پاکستانیان پداسې حال کې چې ادعا کوي د متحده ایالاتو او په سیمه کې د هغې پالیسیو سره دي مګر د شا له خوا امریکا په خنجر وهي.

دا اوس ټولو ته روښانه ده چې پاکستان په افغانستان کې نیابتي جګړه کوي او دا جګړه د طالبانو لخوا پرمخ وړل کیږي.

هغه ټینګار وکړ چې په پاکستان کې د طالبانو فابریکو او د هغوی پټنځایونو شتون په افغانستان کې د وسله والې جګړې اصلي لامل دی او پاکستان اوس د افغانستان او نړۍ په وړاندې دوه مخی سیاست پرمخ وړي.