یو لړ بندیزونه لګیدل

آریانانیوز: دیورپوټ په اساس د کندهار کښي پر عامه ځایونو محدودیتونه زیات شول، چي پکښي له کندهار- هرات او کندهار – کابل سره د لویو مسافر وړونکو موټرو په تګ راټک هم بندیز لګیدلی دی
د دغه ولایت والي ویلي، د کورونا د خپریدو د مخنیوي په هدف یې پرېکړه کړې؛ د شنبې له ورځې څخه یې پر ټولو هغو موټرونو بندیز لګولی، چي له ۴ کسانو ډېر مسافر ولري او دا بندیز به تر هغه وخته روان وي، چي د کورونا وایرسو د خپریدو مخه نیول شوې نه وي.
هغه همدا رنګ څرګنده کړه، چې په کندهار ښار کښي یې د ګڼي ګوڼي په مرکزونو هم بندیز لګولی؛ خو د خلقو پر ګرځیدو لا بندیز ندی لګول شوی.