یونیسف: که سمدستي اقدام ونه شي ښايي یو میلیون افغان ماشومان مړه شي

آریانانیوز: د ملګرو ملتونو د ماشومانو وجهي صندوق (یونیسف) یو ځل بیا په افغانستان کې د حاد خوارځواکۍ له امله د یو میلیون ماشومانو د مړینې احتمالي خبرداری ورکړی دی.

دې ادارې په یوه ټویټ کې لیکلي: که فوري اقدام ونه شي، ښايي یو میلیون ماشومان د سختې خوارځواکۍ له امله مړه شي.

دا په داسې حال کې ده چې سازمان تر دې مخکې په افغانستان کې د سختې خوارځواکۍ له امله د ماشومانو او مړینو د وضعیت په اړه خبرداری ورکړی و.

په افغانستان کې د طالبانو له واکمنۍ وروسته په دغه هېواد کې وضعیت د یوه بشري ناورین پر لور روان دی.