د نړیوالې ټولنې په ملیاردونو مرستې د افغانستان د پولي ارزښت د ساتنې لامل شوې

بلومبرګ په یوه راپور کې ویلي چې د میلیاردونو ډالرو مرستې د افغانیو د ارزښت په ساتلو کې مرسته کړې ده.

بلومبرګ راپور ورکړی چې د طالبانو تر واکمنۍ لاندې افغانستان ته د نړیوالې ټولنې د بشردوستانه مرستو څخه د ملیاردونو ډالرو جریان د دې لامل شوی چې افغاني پیسې د بهرنیو اسعارو په ځانګړي توګه د ډالرو په وړاندې خپل ارزښت وساتي.

بلومبرګ د سه شنبې په ورځ راپور ورکړ چې د بهرنیو اسعارو په وړاندې د افغانیو د ارزښت لوړیدل د افغانستان په څیر هیواد کې غیر معمولي کار دی، چیرې چې اتباع یې د بشري حقونو تر ټولو ناوړه سرغړونې سره مخ دي.

د دې رسنۍ په وینا، د افغانستان له ګاونډیو هېوادونو سره د سوداګرۍ زیاتېدل د افغانیو د بیې د ثبات په ساتلو کې مرسته کړې ده.