د پاکستان په زندانونو کې شاوخوا شپږ زره افغانان بندیان دي

د طالبانو د مهاجرت او راستنیدونکو چارو وزارت وايي، پاکستان کې شاوخوا شپږ زره افغانان بندیان دي.

د طالبانو د کډوالو او راستنیدونکو چارو وزارت خبر ورکړی چې دا مهال شاوخوا شپږ زره افغان کډوال په پاکستان کې بندیان دي.

په همدې حال کې د بهرنیو چارو وزارت ویلي چې د افغان کډوالو د خلاصون لپاره د پاکستان د موقت حکومت له چارواکو سره خبرې روانې دي.

د دغه وزارت د شمېرو له مخې، د نوي هجري لمریز کال له پیله تر اوسه څه باندې ۶۰۰ افغان اتباع د پاکستان له زندانونو خوشې شوي او هېواد ته راستانه شوي دي.