سږکال په ننګرهار کی د مالټو حاصلات په بې مخینې توګه زیات شوي

آریانانیوز: دیوراپورپه اسا س په هیواد کې پر ټوکیدلې وچکالۍ سربیره په یو شمیر ولایاتو کې موسمي میوو ښه نتیجه ورکړې.

د ننګرهار ولایت کروندګر او بڼوال وایي، سږکال یې د مالټو حاصلات د تیرکال په پرتله دوه برابره زیات وو.
بڼوال وایي، حاصلاتو یې د پاکستانۍ مالټو مخه نیولې او خلک د ننګرهار د کانال مالټې خوښوي.
د ننګرهار د بټي کوټ ولسوالۍ اوسیدونکي د مالټو له حاصلاتو خوښي ښیي او وایي، په دغه ولسوالۍ کې پر ۳ زره جریبه ځمکه مالټې کرل شوې چې سږکال یې له ۷۰۰ جریبونو حاصل اخیستی دی.
په دغه ولسوالۍ کې یونیم سل ځوانان د مالټو شوکولو چارې پر مخ بیایي او بیکاره ځوانانو ته ښه مصروفیت په لاس ورغلی دی .
۴۵ کاله پخوا د ننګرهار د کانال په دولتي فارم کې پر شل زره هکټاره ځمکه د مالټو بڼونه جوړ شول چې په ۱۹۸۰ کال کې یې حاصلات تر نړیوالو مارکیټونو هم ورسیدل