برخه -څانګه : afghanistan, fun, social -+

د خپرولو وخت : دوشنبه, 15 مارس , 2021 لنډ لینک :

ایا د سټرازینکا د کورونا ضد واکسین ضمني اغیزې لري؟

آریانانیوز: حکومت وايي د سټرازینکا واکسین کومې ضمني اغیزې نه لري او دا چې 60 سلنه نفوس به په راتلونکي یو نیم کال کې واکسین شي...


د سټرازینکا واکسین د احتمالي اړخیزو اغیزو په اړه اندیښنې د افغانستان دننه او بهر کې راپورته شوي دي.

خو د روغتیا وزارت وايي چې واکسین د روغتیا د نړیوال سازمان او اروپایی اتحادیې د باور او معلوماتو پراساس هیڅ اړخیزه اغیزه نلري.

د دغه وزارت ویاند ، دستگیر نظری وویل ، چې تر دې دمه په افغانستان کې تر ۴۰ زره ډیر کسان د کورونا ویروس په وړاندې واکسین شوي ، خو د ضمنی عوارض راپور نه دی ورکړل شوی.

دا پداسې حال کې ده چې په ناروې او ډنمارک کې ، د سټرازینکا واکسین تطبیق په موقتي ډول بند شوی دی.

د راپورونو له مخې ، په ډنمارک کې یو کس د واکسین کیدو وروسته مړ شوی. د روغتیا وزیر له پیښې وروسته په خپل ټویټر پاڼه کې لیکلي چې د سټرازینکا واکسین پلي کول به د تحقیق تر پای پورې ، وځنډول شي.

د ډنمارک سربیره ، واکسین په ناروې کې د څیړنې تر بشپړیدو پورې بند دی.

خو د عامې روغتیا وزارت وايي چې اروپايي اتحادیه د کورونا واکسین ضمني اغیزې رد کړې دي.او یوازې په ډنمارک او ناروې کې د واکسین د یوې برخې په تولید کې ستونزه یې څرګنده کړې ، نه په ټوله نړۍ کې تولید شوي ټولو واکسینونو کې.

دغه وزارت وايي چې تر ۲۰۲۲ کال پورې به د سټرازینکا واکسین له ۱۸ کلنۍ څخه د پورته عمر په سلو کې ۶۰ نفوس ته واکسین شي.

د سټرازینکا واکسین د دوه هندي او بریتانیا فابریکو لخوا په ګډه تولید شوی. هند د لومړي تولید کڅوړه افغانستان ته ورکړه.

شریک یي کړئ!