د عربستان او کاناډا ترمنیځ د ټورنټو پروازونه ځنډول

آریانانیوز: د عربستان د هوايي چلند شرکت (سعودي عربین ایرلاینز) د ټورنټو د الوتنو د ځنډولو موضوع بیګا په ټویټر کښې اعلان کړه.

یاده دې وي چې د عربستان خارجه وزارت پرون سهار په دغه هیواد کښې د مدني ټولنې او د ښځو د حقوقو د فعالانو له نیول کیدو د کاناډا د حکومت د اندیښنې څرګندولو په غبرګون کښې په ریاض کښې د کاناډا سفیر ناخوښه شخصیت وباله او د عربستان له خاورې د وتلو لپاره یې ورته ۲۴ ساعته فرصت ورکړ.
عربستان همداشان له کاناډا خپل سفیر هم بیرته ورغوشتی او په دغه هیواد کښې یې خپل ټول نوي تجارتي او د پانګونې فعالیتونه وځنډول.