اردوغان او ملک سلمان د خاشقجي د دوسیې په هکله ټیلیفوني خبرې

آریانانیوز: د ترکیې ولسمشر د ټیلیفون په لیکه د عربستان له باچا سره د جمال خاشقجي د دوسیې په هکله خبرې اترې وکړې.

د ترکیې ولسمشر رجب طیب اردوغان او د عربستان باچا سلمان بن عبدالعزیز بیګا په دغو ټیلیفوني خبرواترو کښې د جمال خاشقجي په دوسیه کښې د دوه اړخیزو ملګرتیاؤ د دوام پر اهمیت ټینګار وکړ.
پر آل سعود نیوکه کونکي عربستاني خبریال جمال خاشقجي د روانې اکتوبر میاشتې په دویمه نیټه په استنبول کښې د عربستان کنسولګرۍ ته له ننوتو وروسته بې درکه شوی دی.