په زرهاو الماسونو سره د ګوتمې ډیزاین چې په ګینیس کې ثبت شوی + انځورونه

آریانانیوز: يوې داسې ګوتمې چې په زرګونو الماس پکې کارول شوي دي د ګینیس په ریکارډونو کې ثبت شوې...

د ډیلي میل نیوز ویب پاڼې په وینا ، د هند يو 25 کلن اوسېدونکي، هریش بنسال، د دې ګوتمې په جوړولو نړيوال ريکارډ په خپل نوم کړى دى. نوموړي په دې ګوتمه کې چې165 ګرامه وزن لری ١٢ زره او ٦٣٨ کوچني الماس لګولي دي.

په راپور کې ويل شوي دي، ياد هندى وايي، چې هغه غوښتل يوه داسې ګوتمه جوړه کړي چې له ١٠ زرو څخه زيات الماس پکې کارول شوي وي، نو هغه په دې اړه هلې ځلې پيل کړې او بالاخره د دې ګوتمې په جوړولو کې بريالى شو.

بنسال وویل چې هغه دوه کاله دمخه دا مفکوره په سورت کې ـد هند د الماسونو مرکزـ د ګاڼو ډیزاین مطالعې پرمهال راوړه.

نوموړى همدا راز په خپلو خبرو کې وايي، چې د دې ګوتمې د پلورلو هېڅ اراده نه لري، هغه وايي چې دا ګوتمه د هغه لپاره يو وياړ دى.

په ګوتمه کې د خورا ډیر الماس پخوانی ریکارډ ، چې په هند کې په ګینیس کې هم ثبت شوی و ، د 7801 هیرونو سره په یوه حلقه پورې تړاو درلود.