برخه -څانګه : accidents, afghanistan -+

د خپرولو وخت : دوشنبه, 25 نوامبر , 2019 لنډ لینک :

پر مسجد باندی د هوايي برید په پایله کې ۱۷ تنه ملکي وګړو شهیدان او ژوبل شول

آریانانیوز: د فراه ولایت په پشترود ولسوالۍ کې بهرنیو ځواکونو پر یوه جومات هوایي برید کړی، چې په پایله کې یې ۱۷ تنه ملکي وګړو ته مرګ ژوبله اوښتې.
د سیمه ییزو سرچینو په وینا، پېښه د پشترود ولسوالۍ په ګجګین سیمه کې هغه مهال رامنځته شوه، کله چې لمونځ کوونکي له مسجد څخه د وتلو په حالت کې وو
د معلوماتو په اساس، په برید کې د سپین ږیرو او ماشومانو په ګډون ۹ تنه وژل شوي او ۸ نور ټپیان دي
فراه کې په داسې حالت کې مسجد د بهرنیانو د هوایي برید هدف ګرځي، چې امریکا سولې ته د ژمنتیا غږ کوي او له ټولو لورو غواړي، چې باید د افغانستان په جګړه کې د تشدد ګراف راکښته کړي
یاده دې وي، چې تر دې وړاندې هم په عامه او مقدسه ځایونو باندې د بهرنیانو له لوري هوایي بریدونه شوي؛ خو تر دې دمه نه هم حکومت او نه هم بهرنیانو ددې ډول پېښو پلټنه کړې.

شریک یي کړئ!
ټکي