برخه -څانګه : accidents, afghanistan -+

د خپرولو وخت : جمعه, 25 ژانویه , 2019 لنډ لینک :

د خرقې شریفې د رئیس په ګډون ۱۶ کسان نیول

آریانانیوز: د کندهار چارواکي وايي، د دغه ولایت په خرقې شریفې کې د وسله‌والې نښتې په تور د خرقې شریفې د رئیس محمد نسیم اخندزاده په ګډون ۱۶ کسان نیول شوي دي.


د خرقې شریفې دوو متولیانو مسعود اخندزاده او نسیم اخندزاده تېره ورځ د خرقې مطهرې د امتیازاتو او ریاست د څوکۍ پر سر له لفظي شخړې وروسته وسله‌واله نښته وکړه چې په دغه نښته کې یو کس ټپي هم شو.
د کندهار د والي ویاند عزیز احمد عزیزي وویل چې تېره ورځ د کندهار په خرقې شریفې کې د دغه زیارت د متولیانو مسعود اخندزاده او نسیم اخندزاده ترمنځ د رامنځته شوې وسله‌والې نښتې وروسته، د خرقې شریفې د رئیس محمد نسیم اخندزاده په شمول ۱۶ کسان نیول شوي دي.
د عزیزي په وینا، نیول شوي کسان د ولایت مقام له‌خوا د یوه ټاکل شوي هیئت تر څېړنو وروسته د پېښې د عاملینو په توګه پېژندل شوي دي.
عزیزي ونه‌ویل چي نیول شوي کسان غیر مسؤله وسله‌وال دي که د خرقې شریفې ساتونکي، خو په وینا یې چې له دغو کسانو یو شمېر سپکې او درنې وسلې هم تر لاسه شوې دي.

شریک یي کړئ!
ټکي