چین کی دہشت گردی اور خواتین کے حقوق کی خلاف ورزی پر طالبان پر کڑی تنقید

چینی وزارت خارجہ کے ترجمان وانگ وین بن نے کہا ہے کہ بین الاقوامی برادری کو اب بھی طالبان سے بہت سے خدشات اور توقعات ہیں، جن میں یہ امید بھی شامل ہے کہ افغان حکومت متوازن اور محتاط ملکی اور خارجہ پالیسیوں کے نفاذ میں مزید پیش رفت کرے گی اور خواتین اور بچوں کے حقوق اور مفادات کا دفاع کرے گی۔

انہوں نے مزید کہا کہ چین طالبان کی حکومت سے دہشت گردی کے خلاف جنگ میں مزید فیصلہ کن رویہ اختیار کرنے کی توقع رکھتا ہے تاکہ مزید ٹھوس نتائج برآمد ہوں۔

چینی وزارت خارجہ کے ترجمان نے امید ظاہر کی کہ طالبان حکومت عالمی برادری کا اعتماد اور افہام و تفہیم حاصل کرنے کیلئے کوششیں کرے گی اور افغانستان میں بھی حالات کو سازگار کرنے کیلئے اقدامات کرے گی، تاکہ اپنے پڑوسیوں کے ساتھ تعلقات کو بہتر ہوں اور بین الاقوامی برادری میں بھی ایک خاص مقام حاصل کر سکے۔