اسرائیل کے جرائم پر گہری تشویش ہے، متقی
طالبان کے وزیر خارجہ نے عالمی برادری پر زور دیا کہ وہ فلسطینی عوام کی نسل کشی کو روکے۔
طالبان کے وزیر خارجہ امیر خان متقی نے صیہونی حکومت کے جرائم کے تسلسل کی طرف اشارہ کرتے ہوئے کہا کہ آج خطے میں صیہونی حکومت کی جانب سے فلسطین کے بے گناہ اور بے سہارا عوام پر جو ظلم و ستم اور جرم کیا جا رہا ہے وہ انتہائی افسوسناک اور ہمارے لئے تشویش کا باعث ہے۔
انہوں نے مزید کہا کہ میں ایک بار پھر ان جرائم کی شدید مذمت کرتا ہوں اور بین الاقوامی برادری سے مطالبہ کرتا ہوں کہ وہ فلسطین کے مظلوم عوام پر ہونے والے وحشیانہ ظلم و ستم اور نسل کشی کو روکے اور فلسطینی عوام کے حقوق کی تحفظ کو یقینی بنائے۔
اس سے قبل انہوں نے ایران میں منعقدہ “فلسطین کی اعلیٰ سطحی سیاسی مشاورتی کانفرنس” میں اس بات پر زور دیا تھا کہ افغان گورننگ باڈی فلسطینی عوام کی جدوجہد کو مذہبی نصوص اور بین الحکومتی قانون کی بنیاد پر ایک جائز اور قانونی معاملہ سمجھتی ہے۔
