افغانستان میں ڈیڑھ کروڑ سے زائد افراد بھوک کا شکار ہیں

ورلڈ فوڈ پروگرام کے ترجمان کا کہنا ہے کہ افغانستان میں ایک کروڑ 58 لاکھ افراد بھوک کا شکار ہیں۔

ورلڈ فوڈ پروگرام (ڈبلیو ایف پی) کے ترجمان فلپ کروف نے کہا کہ افغانستان میں ایک کروڑ 58 لاکھ افراد جن میں زیادہ تر خواتین اور بچے شامل ہیں بھوکے ہیں۔

کروف نے کہا کہ ان میں سے 3.5 ملین کو غذائی عدم تحفظ کا سامنا ہے۔
انہوں نے مزید کہا کہ گزشتہ سال افغانستان میں تقریبا 10 لاکھ حاملہ اور دودھ پلانے والی خواتین غذائی قلت کا شکار تھیں۔

ورلڈ فوڈ پروگرام کے مطابق گزشتہ سال افغانستان میں پانچ سال سے کم عمر کم از کم 20 لاکھ لڑکیاں اور لڑکے شدید غذائی قلت کا شکار تھے۔

کروف کے مطابق 2023 میں افغانستان میں 1.4 ملین خواتین اور بچوں کو فنڈز کی کمی کی وجہ سے امداد سے محروم کر دیا گیا تھا۔