مزار شریف میں کام کرنے والے بچوں کی تعداد میں غیر معمولی اضافہ
صوبہ بلخ میں طالبان کے محکمہ روزگار اور سماجی امور کے نئے اعدادوشمار ظاہر کرتے ہیں کہ مزار شریف میں کام کرنے والے بچوں کی تعداد میں ۷۰ فیصد اضافہ ہوا ہے۔
صوبہ بلخ میں محکمہ روزگار اور سماجی امور کے ڈائریکٹر مولوی نصیر احمد ابو خالد نے کہا: اعداد و شمار کے مطابق، مزار شریف میں تقریباً ۱۶۹۴ بچے مزدوری کرتے ہیں۔
مولوی نصیر احمد ابو خالد نے مزید کہا: طالبان کابینہ کے حکم سے انجام پانے والا یہ سروے ظاہر کرتا ہے کہ ان میں سے ۱۴۱ بچے بھیک مانگ رہے ہیں۔
صوبہ بلخ کے محکمہ روزگار اور سماجی امور کے ڈائریکٹر نے کہا: مزار شریف کے باقی بچے گاڑیوں کی مرمت، رنگ کا کام کرنے، کچرا اٹھانے، اشیا بیچنے اور دیگر مشکل کاموں میں مشغول ہیں، اور ان اعداد و شمار کے بعد، یونیسیف کی تعاون سے، ان بچوں کے بہتر مستقبل کے لیے اقدامات کیے جائیں گے۔
مولوی ابو خالد کے مطابق کام کرنے والے بچوں کو مزید نقصان سے بچانے کے لیے اقدامات کیے جا رہے ہیں اور اس موضوع پر طالبان کی بھرپور توجہ ہے۔
یہ بات قابل ذکر ہے کہ صوبہ بلخ میں کام کرنے والے بچوں کی تعداد گزشتہ سال ۹۶۵ تھی اور اب یہ ۱۶۹۴ تک پہنچ گئی ہے، جس کے اضافے کی شرح ۷۰ فیصد ہے۔