افغان میں قابضین نے نرم جنگ کا رخ کر لیا ہے، طالبان

طالبان کے وزیر برائے مہاجرین خلیل الرحمان حقانی نے پکتیا میں ایک تقریب سے خطاب کرتے ہوئے کہا کہ افغانستان میں فوجی میدان میں شکست کے بعد اب غیر ملکیوں نے نرم اور نظریاتی جنگ کا آغاز کر دیا ہے۔

علم کے حصول کی ضرورت پر زور دیتے ہوئے انہوں نے مزید کہا کہ فکری جنگ صرف علم پر انحصار اور اسلامی اقدار سے وابستگی سے ہی ہو سکتی ہے۔ عوام کے اتحاد اور یکجہتی پر زور دیتے ہوئے حقانی نے کہا کہ تمام مذہبی، نسلی اور سماجی تعلقات علما، عمائدین اور مقامی حکام کے ساتھ مل کر چلائے جانے چاہئیں اور مذہبی مکاتب فکر کو عوام کی حمایت کا نقطہ ہونا چاہئے۔ طالبان کی وزارت برائے پناہ گزین کے ایک بیان کے مطابق حقانی نے نسلی گروہوں پر زور دیا کہ وہ غیر اسلامی نعروں سے دھوکہ نہ دیں اور شریعت کو ہر فرد کے تحفظ کا معیار بنائیں کیونکہ اسلامی قانون میں سلامتی اور انسانی حقوق کی ضمانت دی گئی ہے۔