د روسیې یوه پرمختللې جنګي الوتکه را وغورځېده

د روسیې دفاع وزارت اعلان وکړ چې ددغه هیواد یوه پرمختللې جنګي الوتکه د سوریې ساحلي ښار «مدینة جبلة» ته نیژدې په سمندر کې را وغورځېده او دواړه پيلوټان یې ووژل شول.

د دفاع وزارت په خبرپاڼه کې ویل شوي چې د الوتکې نوعیت «سوخوی ۳۰ ایس ام» وه، په منځني سمندر کې تیره پنچشنبه د «الحمیمیم» هوايي ډګر څخه د پورته کېدو پر مهال را وغورځېده او دواړه پیلوټان یې ووژل شول.
وزارت وړاندي ویلي چې الوتکه د دښمن په مرمیو نه ده لګېدلی او نه یې هم اور اخیستی خو د لومړنیو معلوماتو پر اساس کیدای شي د الوتکې په ماشین کې یو مرغه ننوتلی وی.
د سوخوی ۳۰ ایس ایم په نامه دغه الوتکه د روسیې په الوتکو کې تر ټولو نوې او پرمختللې جنګي جیټ الوتکه بلل کیږي، دغې الوتکې لومړۍ رسمي پرواز په کال ۲۰۱۲ کې کړیدی