د یمن په صعده ولایت د سعودي هوايي بریدونه

آریانانیوز: د یمني سرچینو په وینا ، سعودي جنګي الوتکو یوځل بیا عام پولې ته څیرمه په صعده ولایت کې پر سیمو بمباري وکړه...

المسیره تلویزیون راپور ورکړی چې بریدګرو سعودي جنګي الوتکو د صعده ولایت په کاتف سیمه شپږ ځله بمباري کړې .

په یمن پر ملکي وګړو د سعودي بریدونه په داسې حال کې دوام لري چې دوی په یمن کې اوربند ته دوام ورکوي .

پرون دا اعلان هم وشو چې د سعودي ائتلاف جنګي الوتکو په تیرو 24 ساعتونو کې د یمن په مختلفو ولایتونو 14 بریدونه کړي چې پکې صعاده ، صنعا ، مارب او الجوف شامل دي.

په دې بریدونو کې یو ماشوم وژل شوی او شپږ نور ملکي وګړي ټپیان شوي چې دوه ښځې او یو ماشوم پکې شامل دي.

تر دې دمه نړیوالې ټولنې په یمن کې د جګړې د بندولو لپاره کومه هڅه نه ده کړې؛ یوه مسله چې د یمن ملي نجات حکومت لخوا انتقاد شوی دی. د سعودي ائتلاف چې د استعفا شوي حکومت بیرته ستنولو په پلمه له شپږو کالو راهیسې د یمن پرضد جنګ کوي ، تر دې دمه یې زرګونه ملکیان وژلي او د هیواد زیربنا یې ویجاړ کړې دي.

د یمني خلکو محاصره دوی د کورونا ویروس د خپریدو په سیوري کې د خواړو او روغتیا له نشتوالي سره په خورا سخت حالت کې اچولی دی.

د یمن ملي اردو او د خلکو ځواکونو په وار وار ویلي چې تر هغه چې سعودي ایتلاف خپل یرغل او محاصره جاري ساتي ، د دوی د یرغل په ځواب کې به د دوی بریدونه په سعودي عربستان کې ژور دوام وکړي.