د تیریګرۍ پرضد د یمن خلکو سترې مظاهری

آریانانیوز: د یمن په میلیونونو خلکو پرون د خپل هیواد پرضد د سعودی عربستان او دهغه د متحدانو د تیری له څلورمې کلیزې سره په یووخت چې د ملی مقاومت ورځ نومول شوی ده په پلازمینې صنعا او څو نورو ولایتونو کښې سترې مظاهرې پیل کړې .

د یمن خلکو د پلازمینې صنعا په السبعین میدان او د صعده ، اب ، تعز ، البیضا ، الجوف ، ریمه ، الحدیده ، حجه او د ذمار ولایتونو په اصلی میدانونو کښې لاریونونه وکړل .
د یمن دانصار الله غورځنګ مشر عبدالملک بدرالدین الحوثی پرون په یوې (۱) وینا کښې د یمن په ملت غږ وکړ په خپل هیواد دتیری د پیل د څلورمې (۴) کلیزې مراسمو کښې پراخ او شرافتمدانه ګډون وکړی .