د سعودي انتقاد کونکو ته سخته سزا؛ الزامل په 15 کاله بند محکوم شو

آریانانیوز: عصام الزامل، تحلیل کونکی او اقتصادي اشرافي ، د سعودي ولیعهد شهزاده باندې د انتقاد له امله په 15 کاله بند محکوم شو...

د القدس العربی په وینا ، باخبره سرچینو د ریاض محکمې لخوا د سعودی ولیعهد شهزاده محمد بن سلمان پر سیاست د نیوکې له امله د اقتصادی چارو شنونکی او اشرافي عصام الزامل ته د پنځلس کالو بند سزا ورکړه.

دې ورځپاڼې د معتقلي الرای د ټویټر حساب په حواله ، چې په هیواد کې د توقیف شویو خبرونه تعقیبوي ، لیکلی: یوې ځانګړې جنايي محکمې د سعودي وتلی اقتصاد پوه عصام الزامل په ظالمانه بند محکوم کړ.دا سزا د هغه د خپل سري توقیف درې کاله وروسته صادر شوه.

دې ټویټر حساب د دې خبر په ځواب کې لیکلي: ښاغلي الزامل د اقتصاد وزارت کې د وزیر پوست درلودلو وړ و ، خو جابر چارواکو هغه له 2017 راهیسې بندي کړی ، او اوس د بشري حقونو دغه سرغړونه د 15 کاله بند په سزا ورکولو سره بشپړه شوې ده. موږ دا سزا په کلکه رد کوو او د هغه د سمدستي خوشې کیدو غوښتنه کوو.

د القدس العربی په وینا ، الزامل یو اقتصادي تحلیل کوونکی او متشبث و چې یو وخت د پاچا سلمان لخوا د سعودي اقتصادي اشراف په توګه وپیژندل شو ، او حتی د سعودي ارامکو شرکت لپاره یې کار وکړ او وده یې ورکړه. د محمد بن سلمان پر پلان د نیوکو له امله چې په عامه ډول د ارمکو ونډې پلورلې ، نیول شوی و.