د ماین پاکۍ مؤسسې ۱۲ کارکوونکي تښتول شوي

آریانانیوز: د کونړ چارواکي وايي د دې ولایت په ماڼوګي ولسوالي کې د ماین پاکۍ د یوې مؤسسې ۱۲ کارکوونکي تښتول شوي دي.

د کونړ د والي ویاند عبدالغني مصمم وايي، دغه کسان چې د ایریا په نوم د ماین پاکۍ د یوې مؤسسې کارکوونکي تېر سهار داعش وسله والو تښتولي دي.
هغه وايي دغه کسان له دوی سره له همغږۍ پرته ماڼوګي ولسوالۍ ته تللي و، چې د داعش جنګیالیو له لوري وتښتول شول.
مصمم وايي چې دوی د دې کسانو د خلاصون هڅه پیل کړې ده.