ګلاب منګل استعفا ورکړه

د سیمه ییز ارګانونو خپلواکه اداره وايي چې د ننګرهار والي ګلاب منګل له ولایته استعفا ورکړه.

ګلاب منګل پخپله د استعفا په اړه څه نه دي ويلي، خو یاده اداره وايي چې هغه د خپلو شخصي ستونزو له امله استعفا ورکړې ده.
د ننګرهار والي په داسې حال کې استعفا ورکوي چې همدا شېبه لا هم په جلال اباد ښار کې جګړه روانه ده.
د عیني شاهدانو په قول بریدګر د مستوفیت ودانۍ ته ننوتي او همالته يې جګړه پيل کړې ده.
طلوع نیوز لیکي، چې په جګړه کې نهه تنه وژل شوي او تر ۳۰ ډېر ټپیان دي.

د برید په اړه بشپړ جزییات نه دي په ډاګه شوي.