برخه -څانګه : afghanistan, economic, politics, security, social -+

د خپرولو وخت : دوشنبه, 6 سپتامبر , 2021 لنډ لینک :

طالبانو ته د یو ټریلیون ډالرو په ارزښت افغان کانونه په میراث پاتې دي

آریانانیوز: طالبان اوس د افغانستان د یو تریلیون ډالرو ( زر میلیارد ډالر ) کانونو کیلي په لاس کې لري کوم چې کولی شي نړۍ د نوي کیدونکي انرژیو ته انتقال کړي.


د سقوط او کابل ته د بیرته ستنیدو شل کاله وروسته ، طالبان له مالي ستونزو سره لاس او ګریوان دي ، ځکه چې افغانستان ته لوی تمویلوونکو هیوادونو دغه هیواد سره مرستې بندې کړي دي.

نه ختمیدونکې جګړو او ضعیف زیربنا ، د افغانستان قیمتي کانونو له استخراجولو څخه د دې هیواد لاس پرې کړی دی پداسې حال کې چې دا کانونه کولی شي د افغانستان لپاره عالي اقتصادي فرصتونه رامینځته کړي.

د راپور له مخې ، پدې قیمتي کانونو کې د اوسپنې ، مسو ، سرو زرو ، ډبرو سکرو ، لیتیم او ځانګړي قیمتي ډبرو لوی معدني رګونه شامل دي . او دومره دي چې کولی شي دا غریب هیواد د نړۍ له مخکښو معدني مرکزونو څخه یو کړي.

د دوی د اوسني نرخونو پراساس د پیژندل شوي معدني فلزونو احتمالي ارزښت په لاندې ډول دی: مسو ۲۷۴ ملیارد ډالر ، وسپنه ۴۲۰ ملیارد ډالر ، مولیبډینم ۲۳٫۹ ملیارد ډالر ، طلا ۲۵٫۸ ملیارد ډالر ، کوبالټ ۵۰٫۸ ملیارد ډالر او نایبیم ۸۱٫۲ ملیارد ډالر.

شریک یي کړئ!