برخه -څانګه : afghanistan, social -+

د خپرولو وخت : یکشنبه, 27 می , 2018 لنډ لینک :

د زرګونو ژمنه شویو ښوونځيو له ډلې د یوه هم کار نه دی ترسرشوی

اشرف غني چې د ژمنو په ماتولو کې نوم لري، د یوې بلې کړې ژمنې د ترسره کولو لپاره يې هم هیڅ حرکت نه تر سترګو کېږي.


نوموړي د روان لمریز کال په پیل کې دغه کال د «پوهې کال» ونوماوه او پخپل ځانګړي جذباتي انداز يې وویل، په دې کال کې به ۶زره ښوونځیو ته ودانۍ جوړې کړي.
له یادې ژمنې څو ورځې وروسته، د برېښنايي تذکرو ناندریو زور واخیست، ورپسې د ټاکنو لپاره نوم لیکنه او روان امنیتي وضعیت هغه څه و، چې ډاکټر غني ته يې دا زړه ورکړ، چې ولس د ده ژمنې هېرې کړې دي.
د پوهنې وزارت مسؤلین وايي دوی د دې ښوونځيو د ودانیو د لګښت لپاره ۲۰۰ میلیونه ډالرو ته اړتیا ده.
د پوهنې وزارت د نشراتو مشر کبیر حقمل وايي، په اوس وخت کې د فعاله ښوونځيو له ډلې ۴۵ سلنه يې ودانۍ نه لري.
ارګ تر اوسه د دې کړې ژمنې په اړه څه نه دي ویلي او نه هم د دوو میاشتو په تېرېدو حتی د یوه ښوونځي د ودانۍ ډبره اېښودل شوې ده.
یاده دې وي ډاکټر غني په ټاکنیزو منډو ترړو کې هم ژمنه کړې وه، چې نوموړی به د پوهنې په برخه کې بدلونونه رامنځته کړې او په اقتصادي برخه کې خو به حتی د هر کور په دسترخوان کې بدلون راولي.
د شنونکو په باور په پورته ناکامیو سربېره د امنیت په برخه کې پاتې راتلل، بل هغه څه دي چې پر ګډ حکومت يې ولسي بارو تر صفر ښکته کړی دی.

شریک یي کړئ!
ټکي

ډېر لوستل شوي