پاکستان رقم کے عوض افغانستان کے آسمان پر امریکی ڈرونز کو پرواز کی اجازت دیتا ہے، طالبان کے نائب وزیر خارجہ کا دعویٰ

آریانانیوز: شیر محمد عباس ستانکزئی نے کہا ہے کہ ان کے پاس ایسی ویڈیوز ہیں جن میں دکھایا گیا ہے کہ امریکی ڈرون کہاں سے اڑتے ہیں اور کس راستے سے افغانستان میں داخل ہوتے ہیں۔

طالبان کی عبوری حکومت کے نائب وزیر خارجہ شیر محمد عباس ستانکزئی نے ایک پریس کانفرنس میں کہا ہے کہ اسلام آباد کو امریکی ڈرونز کو پاکستان سے گزرنے اور افغان فضائی حدود میں داخل ہونے کی اجازت دینے کے عوض واشنگٹن سے لاکھوں ڈالر ملتے ہیں۔

ان کا مزید کہنا تھا کہ ان کے پاس ایسی ویڈیوز موجود ہیں جن میں دکھایا گیا ہے کہ امریکی ڈرون کہاں سے اڑتے ہیں اور کس راستے سے افغانستان میں داخل ہوتے ہیں۔

ستانکزئی نے حالیہ مہینوں کے دوران پاکستان کی خراب معاشی صورتحال کا ذکر کیا اور پاکستانی حکام سے مخاطب ہو کر کہا کہ وہ موجودہ معاشی بحران سے نمٹنے کے لیے کوئی دوسرا راستہ تلاش کریں، نہ یہ کہ امریکہ کو اپنی فضائی حدود دے کر اس ملک سے رقم وصول کریں۔