پاکستانی جیلوں میں 650 افغان مہاجرین قید

آریانانیوز: کراچی پاکستان میں افغان قونصل خانے کے سفارت کار عبدالجبار تخاری نے اعلان کیا ہے کہ پاکستان میں اب بھی 650 افغان مہاجرین قید ہیں جنہیں رہا کیا جانا چاہیئے۔

انہوں نے کہا کہ حکومت پاکستان سے درخواست کی گئی ہے کہ افغان مہاجرین کو اس ملک کی جیلوں سے رہا کیا جائے۔

عبدالجبار تخاری نے کہا کہ خواتین اور بچوں سمیت 650 مہاجرین پاکستانی جیلوں میں ہیں اور ان میں سے کچھ قیدی بیمار ہیں۔
انہوں نے مزید کہا کہ ہم نے اسلام آباد حکومت سے ان پناہ گزینوں کی جلد رہائی کا مطالبہ کیا ہے۔