افغان مہاجرین کو امریکہ سے بدر کئے جانے کا خطرہ ہے

آریانانیوز: امریکی سی بی ایس نیوز نے اطلاع دی ہے کہ امریکہ میں مقیم افغان پناہ گزینوں کی عارضی اقامت، رواں سال موسم گرما میں ختم ہو جائے گی اور اگر امریکی کانگریس نے کچھ اقدام نہیں کیا تو انہیں ملک سے بدر کیا جائے گا۔

اس رپورٹ کے مطابق، ریاست ہائے متحدہ امریکہ نے رواں سال 12 فروری تک کل 77,000 افغان مہاجرین میں سے صرف 4,775 پناہ گزینوں کو پناہ دینے کی منظوری دی ہے۔

کابل پر طالبان کے قبضے کے بعد امریکی حکومت نے 130 ہزار سے زائد افراد کو کابل کے ہوائی اڈے سے نکالا، جن میں سے اکثر افراد کو امریکہ منتقل کر دیا گیا، لیکن اب تک ان پناہ گزینوں میں سے بہت سے لوگوں کے پاس امریکہ میں رہنے کیلئے قانونی دستاویزات نہیں ہیں۔