گزشتہ ۸ ماہ میں ۸۰ صحافیوں کو گرفتار کیا گیا اور تشدد کا نشانہ بنایا گیا: افغانستان فریڈم آف ایکسپریشن ہاؤس

آریانانیوز: افغانستان فریڈم آف ایکسپریشن ہاؤس نے طالبان فورسز کی جانب سے میڈیا پر مسلسل دباؤ، دھمکیوں، گرفتاریوں، صحافیوں اور میڈیا ورکرز پرہونے والے تشدد پر تشویش کا اظہار کیا ہے۔

اس ادارے نے کہا ہے کہ گزشتہ ۸ ماہ میں ۸۰ صحافیوں اور میڈیا کارکنوں کو گرفتار کیا گیا ہے، اور ان پر تشدد کیا گیا۔ کم از کم ۶۴۰۰ صحافیوں اور میڈیا ورکرز کو نوکریوں سے نکال دیا گیا ہے اور تقریباً ۲۳۰ خبر رساں اداروں کو بند کر دیا گیا ہے۔

بیان میں کہا گیا ہے کہ جب سے طالبان نے افغانستان کا کنٹرول سنبھالا ہے، میڈیا کو شدید دباؤ اور دھمکیوں کا سامنا ہے، یہ اطلاعات تک رسائی کے قانون اور پبلک میڈیا ایکٹ کی خلاف ورزی ہے، جسے نگراں حکومت نے نظر انداز کردیا ہے۔