نواز شریف کی افغانستانی قومی سلامتی مشیر سے لندن میں ملاقات
۲۶ جولائی ۲۰۲۱ کے اردو ٹائمز کے مطابق، لندن میں مقیم سابق پاکستانی وزیر اعظم نواز شریف نے ۲۴ جولائی ۲۰۲۱ کو افغانستانی قومی سلامتی کے مشیر حمد اللہ محب سے ملاقات کی۔
ملاقات میں دونوں ملکوں کے درمیان باہمی احترام کو برقرار رکھنے، ایک دوسرے کے اندرونی معاملات میں عدم مداخلت پر زور دیا، اور دونوں ہمسایہ ممالک میں جمہوریت کی مضبوطی کو ممالک کے استحکام اور خوشحالی کا راستہ قرار دیا۔
اس اجلاس کے رد عمل میں پاکستانی وزیر اطلاعات فواد احمد چوہدری نے اسے اسلام آباد کے امن نظریے کے لئے منفی قرار دیا اور کہا کہ نواز شریف جیسے لوگ ملک کے خلاف بین الاقوامی سازشیں بنانے اور استحصال کے حصول کی خاطر قومی مفادات کو لوٹنے میں ملوث ہیں۔
انہوں نے مزید کہا کہ بھارت کے سب سے بڑے اتحادی، اور پاکستان کو بدعنوانی کا گھر کہنے والے حمد اللہ محب سے ملاقات بیکار ہے کیونکہ نواز شریف جیسے افراد اپنے ملک میں فیصلہ سازی کے عمل میں کوئی حیثیت نہیں رکھتے۔
انہوں نے کہا کہ پاکستانی وزیر اعظم بارہا کہہ چکے ہیں کہ وہ افغانستانی قومی سلامتی کے مشیر سے مذاکرات نہیں کریں گے کیونکہ وہ پاکستان کے دشمن ہیں اور یہ کہ افغانستان میں پاکستان کی پالیسی واضح، اور پاکستان کے قومی مفادات پر مبنی ہے۔
انہوں نے بتیا کہ افغانستان میں پاکستان نہ طالبان کے ساتھ تعاون کرتا ہے، اور نہ ہی کسی دوسرے خاص گروہ کے ساتھ۔ انہوں نے مزید کہا کہ پاکستان افغانستانی عوام کی حمایت کرے گا۔ افغانستان میں امن اور استحکام پاکستان کے لیے ضروری ہے اور ہم افغانستانی عوام کی ایک متفقہ حکومت کے قیام کے خواہاں ہیں۔
