په یمن کې بشري بحران؛ د ملګرو ملتونو څارونکو خبرداری ورکړ

آریانانیوز: ملګري ملتونه په یوه راپور کې وايي چې خوارځواکي تر پنځو کلونو د کم عمر ماشومانو ترټولو لوړې کچې ته رسیدلې...

د الجزیرې تلویزیون په وینا ، د ملګرو ملتونو سازمان ویلی چې په یمن کې د کم عمر ماشومانو په منځ کې د خوارځواکۍ کچه خورا لوړه شوې.

په یمن کې ، د جګړو په پایله کې شاوخوا یو ملیون ماشومان د خوراکي توکو د نه خوندیتوب ، اقتصادي سقوط ، غیر صحي پاملرنې او د ملیونونو بې ځایه کیدلو له امله له سختې خوارځواکۍ سره مخ دي.

ملګري ملتونه وايي چې د پنځه کالو څخه کم عمر ماشومانو کې خوارځواکۍ ترټولو لوړ دی. په همدې اساس ، د مطالعاتو پایلې ښیې چې په څو سیمو کې چیرې یو ملیون او څلور سوه زره ماشومان ژوند کوي ، له 15 سلنې څخه ډیر ماشومان په سخته خوارځواکۍ اخته دي ، چې په وینا یې یو سل زره ماشومان د مرګ له ګواښ سره مخ دي.

نړیوالو سازمانونو سږ کال یمن ته د بشري مرستو کمولو باندې نیوکه کړې ، او ویلي یې دي چې دا د لسګونو مرستندویه دفترونو د تړلو لامل شوی.