عمران خان: هند په پاکستان کې د ناامنۍ خپرولو هڅې کوي

آریانانیوز: د پاکستان لومړي وزیر هند د داعش په ملاتړ تورن کړ او ویې ویل چې په پاکستان کې د ناامنیو خپرول د هند د حکومت اعلان شوی هدف دی...

د پاکستان لومړي وزیر عمران خان په بلوچستان صوبه کې د 11 هزاره اوسیدونکو د ډزو په غبرګون کې -داعش ته منسوب- وویل چې په دغه هیواد کې د افراطیت زیاتوالی په افغانستان کې د جهاد یوه پایله ده.

د پاکستان لومړي وزیر وویل چې دا وضعیت د عیسوي د 80 لسیزې میراث او د افغان جهاد د پیل او په دغه جهاد کې د پاکستان د ګډون له امله دی.

عمران خان زیاته کړه چې له افغانستان څخه د بهرنیو ځواکونو تر وتلو وروسته ، په سیمه کې پاتې جنګیالیو ډلو په هیواد کې د هزاره ګانو په نښه کولو سره پاکستان ته درنه زیانونه اړولې.

عمران خان دا هم وویل چې په بلوچستان کې هزاره اوسیدونکي د دې افراطي فرقه ییزو ډلو لخوا په نښه شوي.

عمران خان هند هم د داعش په ملاتړ تورن کړ ، او ویې ویل چې په پاکستان کې د ناامنیو خپریدل د هند د حکومت ټاکل شوی هدف دی.