د سعودي جنګي الوتکو په حمله کښې درې یمني ماشومان ووژل شول

آریانانیوز: دیوراپورله مخی د یمن په لویدیځ کښې په حجه ولایت باندې د سعودي تیري ګر ائتلاف د جنګي الوتکو په برید کښې درې یمني ماشومان ووژل شول.

په دغه حمله کښې په حجه ولایت کښې د عبس نوي ښارګي یو کور په نښه شو چې په کښې د دغو دریو ماشومانو له وژل کیدو نه علاوه یوه یمني ښځه او زخمي شوه.
د دغه رپورټ له مخې، د دې حملې د مړو د شمیر د زیاتیدو احتمال شته دی.
سعودي تیري ګرو هم داشان نن د یمن په الحدیده، صنعا او صعده ولایتونو کښې هم مختلفې سیمې بمباري کړې دي.