د خبریالانو د خوندیتوب کمېټې د خبریالانو پر وړاندې د تاوتریخوالي د رسیدګۍ غوښتنه وکړه

آریانانیوز: د افغانستان د خبریالانو د خوندیتوب کمېټې د یوې اعلامیې په خپرولو سره د خبریالانو پر وړاندې تاوتریخوالی غندلی او د طالب چارواکو له خوا یې د دې مسلې د عدلي تعقیب غوښتنه وکړه.

د افغان خبریالانو د خوندیتوب کمیټې چارواکو د خبریالانو پر وړاندې د تاوتریخوالي د غندلو ترڅنګ د افغانستان د موقت حکومت له چارواکو غوښتي چې د خبریالانو پر وړاندې د تاوتریخوالي قضیې د احکامو او قوانینو په رڼا کې تعقیب او عاملین یې د قانون منګولو ته وسپاري.

دغې کمېټې همدا راز د نوي افغان حکومت له چارواکو وغوښتل چې په ټول هېواد کې د خبریالانو د امنیت لپاره جدي اقدامات وکړي.