په سویډن کې د قران کریم د سپکاوي په اړه د کابل غبرګون

آریانانیوز: د طالبانو د کار او ټولنیزو چارو وزارت له سویډني بنسټونو سره هر ډول تفاهم لیک لغوه اعلان کړ.

د طالبانو د کار او ټولنیزو چارو وزارت اعلان کړی چې د قرآن کریم د سپکاوي په اعتراض کې به له سویډني بنسټونو سره تفاهم لیک امضا نه کړي.

دغه وزارت زیاته کړه چې موږ به له هغو بنسټونو سره چې د سویډن او سویډن د بنسټونو له خوا یې ملاتړ کیږي، تفاهم لیک امضا نه کړو.

دغه وزارت همداراز اعلان وکړ چې سویډن یو نه جبرانیدونکی جنایت کړی او د مسلمانانو احساسات یې زخمي کړي دي.