طالبان: بیت المقدس په ښکاره اشغال شوی دی

د طالبانو د مهاجرت او راستنیدونکو چارو وزیر وویل په فلسطین د صهیونیسټ رژیم حمله یو غیر انسانی عمل دی.

د طالبانو د حکومت د کډوالو او راستنیدونکو چارو وزیر خلیل الرحمن حقاني په پکتیا کې په یوه غونډه کې وویل: پر فلسطین د صهیونیسټي رژیم حمله یو غیر انسانی عمل دی چې د ټولو انسانی اصولو خلاف دی .

هغه زیاته کړه: اوس فرق څه دی؟ دوی په ښکاره توګه بیت المقدس اشغال کړی دی. دوی زموږ اسلامي شعائرو ته سپکاوی وکړ. ایا موږ د دې کفارو ظلمونه نه وینو؟