به ننګرهار کې دوه بېلابيل چاودنه

آریانانیوز: د ننګرهار د والي وياند عطاء الله خوږياڼی وايي چې لومړۍ چاودنه نن سهار شاوخوا اووه بجې د جلال اباد ښار د اطفايي کوڅې ته څېرمه وشوه چې له امله يې درې تنه ټپيان شول.

هغه وويل چې چاودېدونکي توکي په يو ګلدان کې ځای په ځای شوي وو چې چاودنه ورکړل شوې ده.
نوموړي همدا راز وويل چې بله چاودنه د جلال اباد ښار څلورمې ناحيې اړوند چهل متره سرک ته څېرمه د پوليسو د تالاشۍ په پوسته شوې ده چې له امله يې يوه ميرمن وژل شوې او د يوې ښځې او ماشومانو په ګډون پنځه تنه نور ټپيان شوي دي.
تر اوسه د دواړو چاودنو مسؤليت چا په غاړه نه دی اخيستی.