برخه -څانګه : afghanistan, politics, security -+

د خپرولو وخت : پنج‌شنبه, 27 می , 2021 لنډ لینک :

له افغانستان څخه د بهرنیو ځواکونو تر وتلو دمخه په کابل کې د اسټرالیا د سفارت تړل

آریانانیوز: د استرالیا چارواکي وايي له افغانستان څخه د ځواکونو تر وتلو دمخه ، دوی به په کابل کې خپل سفارت وتړي...


د اي بي سي په وینا ، په کابل کې د آسټرالیا سفارت چې له ۲۰۰۶ راهیسې خلاص دي ټاکل شوې ده د هیواد د ځواکونو تر وتلو دمخه په بشپړ ډول وتړل شي.

د آسټرلیا لومړي وزیر سکاټ موریسن او د بهرنیو چارو وزیر ماریس پاین هیله څرګنده کړه چې دغه بندیدل به لنډمهاله وي او دوی به وکولی شي په راتلونکي کې په افغانستان کې خپل سفارت خلاص کړي.

د اسټرالیا چارواکو په ګډه اعلامیه کې ویلي: له افغانستان څخه د بهرنیو ځواکونو د وتلو لپاره د یوې جدي غوښتنې په تعقیب ، دغه هیواد پریکړه کړې چې له هیواد څخه د وتلو دمخه د سفارت له لارې ټول سیاسي او نظامي فعالیتونه د اوس لپاره وځنډوي.

په خبرپاڼه کې راغلي: له افغانستان څخه د نړیوالو ځواکونو وتل او د دغه هیواد ناڅرګنده راتلونکي ته په پام سره ، د آسټرلیا حکومت پریکړه کړې چې تر هغه وخته پورې په کابل کې خپل سفارت وتړي تر هغه چې په هیواد کې سیاسي لاره معلومه نه شي.

د اسټرالیا چارواکي وايي چې په راتلونکو څو ورځو کې به په کابل کې سفارت وتړل شي.

اسټرالیا له ۱۵ کالو راهیسې په افغانستان کې د امریکایي سرتیرو سره او ترهګرۍ سره د مبارزې په پلمه په ګډه کار کوي. دا په داسې حال کې ده چې د بهرنیو ځواکونو لخوا د افغانستان نیولو وروسته په افغانستان کې د تریاکو او مخدره توکو تولید لسګونه ځله ډیر شوی. همدارنګه چاودنو او تروریستي عملونو د متحده ایالاتو د نظامي ملاتړ تر سیوري لاندې د افغانستان د مظلومو خلکو د ژوند یوه لازمي برخه ګرځیدلې ده.

شریک یي کړئ!