برخه -څانګه : afghanistan, politics -+

د خپرولو وخت : شنبه, 28 دسامبر , 2019 لنډ لینک :

د شکایتونو څېړل

آریانانیوز: د ټاکنو له قانون سره سم، د ټاکنیزو شکایتونو کمېسیون باید د ۱۵ ورځو په لړ کې ټول شکایتونه وڅېړي
خو د ټاکنیزو شکایتونو کمېسیون غړي قاسم الیاس په کابل کې د یوې خبري غونډې پر مهال د ټاکنیزو ډلو له خوا د ثبت شویو شکایتونو شمېر بې‌مخینې وبلل او زیاته یې کړه چې کمېسیون ښايي د دغو ټولو شکایتونو په څېړلو کې د وخت له کمښت سره مخ شي چې په وینا یې، دوی یې په اړه اندېښمن دي
د ټاکنیزو شکایتونو کمېسیون رییسې زهرې بیان شینوارې په دې ناسته کې وویل چې په تېرو درېوو ورځو کې ۱۶ زره او ۵ سوه شکایتونه ثبت شوي دي
شینوارې زیاته کړه، ۸ زره شکایتونه د ثبات او همپالنې ټیم، ۴۴۰۰ د ګلبدین حکمتیار ټیم، له ۳ زرو زیات شکایتونه د ولسمشر غني په مشري د دولت جوړوونکي ټیم او ۱۵ شکایتونه هم د رحمت‌الله نبیل د ټیم له خوا ثبت شوي دي
د ټاکنیزو شکایتونو کمېسیون غړي وايي، ثبت شوي شکایتونه لا نه‌دي ډلبندي شوي او پر بېلابېلو کټګوریو تر وېشلو وروسته به یې څېړنه پيل شي.

شریک یي کړئ!
ټکي