برخه -څانګه : accidents, afghanistan, politics, social -+

د خپرولو وخت : یکشنبه, 13 دسامبر , 2020 لنډ لینک :

د آسټرالیایی ځواکونو لخوا د افغان ملکي وګړوسره ناسم چلند؛ افغانستان د ګډې کاري ډلې غوښتنه وکړه

آریانانیوز: د بهرنیو چارو وزیر محمد حنیف اتمر د آسټرالیا د بهرنیو چارو له وزیر ماریس پاین سره د د آسټرالیایی ځواکونو لخوا د افغان سرتیرو او ملکي وګړو سره د ناوړه چلند په اړه د روانو تحقیقاتو په اړه خبرې وکړې...


د بهرنیو چارو وزارت په یوه مطبوعاتي اعلامیه کې ویلي چې ښاغلي اتمر او میرمن پین د سولې په پروسه کې د پرمختګ ، د افغان ملکي وګړو او بندیانو سره د ناوړه چلند په اړه د تحقیقاتو تعقیب او د دوه اړخیزو ګټو پر نورو مسلو خبرې وکړې.

د افغان ملکي وګړو او بندیانو سره د ناوړه چلند د ادعاوو په اړوند ، اغلې پین ښاغلي اتمر ته ډاډ ورکړ چې آسټرالیا دا مسله جدي نیسي او د قانون سره سم یې په هراړخیز او خپلواکه توګه تعقیبوي.

ښاغلي اتمر یادونه وکړه چې یو شمیر اغیزمنو کورنیو حکومت ته رسیدلي او د آسټرلیا محکمو کې د قضاوت امکان راپورته کړی دې، او نورو اړونده مسلو ته د غوره حل لپاره ، ښاغلي اتمر د افغانستان او آسټرالیا چارواکو لخوا د ګډ کاري ډلې جوړولو وړاندیز وکړ.

یوه میاشت وړاندې ، د افغانستان د اسلامي جمهوریت جمهوررئیس محمداشرف غني او د آسټرالیا لومړي وزیر سکاټ موریسن هم د تلیفون په واسطه د افغان ملکي وګړو لخوا د آسټرالیايي عسکرو له ناوړه چلند په اړه خبرې وکړې.

شریک یي کړئ!