صحافیوں کے خلاف طالبان دھمکیاں اور تشدد ختم کریں: اقوام متحدہ

آریانانیوز: افغانستان میں اقوام متحدہ کے نمائندے کی معاون نے طالبان پر زور دیا ہے کہ وہ میڈیا کے ساتھ رابطے میں رہیں اور صحافیوں کے خلاف دھمکیوں اور تشدد سمیت سخت اقدامات کو ختم کریں۔

میٹے نوڈسن نے کابل میں میڈیا کے نمائندوں سے گفتگو میں بتایا کہ افغانستان کے حقائق کی عکاسی کے لیے آزاد میڈیا بہت ضرورت ہے۔

افغانستان میں اقوام متحدہ کے امدادی مشن (UNAMA) نے اپنے ٹوئٹر پیج پر لکھا ہے کہ محترمہ نوڈسن نے اقوام متحدہ کی جانب سے افغانستان میں میڈیا کے لیے اپنی حمایت کا اظہار کیا ہے۔

کابل میں اقوام متحدہ کی معاونِ نمائندے اور میڈیا کے نمائندوں کی ملاقات ایسے موقع پر ہورہی ہے جب میڈیا اور صحافیوں کی سرگرمیوں پر پابندیوں میں روز بروز اضافہ ہوتا جا رہا ہے۔