داعش سفارتی مراکز پر حملے کرنے کی صلاحیت نہیں رکھتی، طالبان

طالبان کے ترجمان کا کہنا تھا کہ طالبان سیکورٹی فورسز کی جانب سے داعش کو شدید کنٹرول کیا جارہا ہے۔

طالبان کے ترجمان ذبیح اللہ مجاہد نے نیویارک ٹائمز کی اس رپورٹ کے جواب میں کہ داعش نے افغانستان میں چین، بھارت اور ایران کے سفارت خانوں پر حملے کی دھمکی دی ہے، کہا ہے کہ داعش طالبان فورسز کے کنٹرول میں ہے اور یہ گروپ افغانستان میں سفارتی اہلکاروں اور عمارتوں پر حملہ کرنے کی صلاحیت نہیں رکھتا۔

انہوں نے مزید کہا کہ بیرونی ممالک کی طرف سے تشویش کا اظہار کرنے کا مقصد کچھ ممالک کی طرف سے سفارتی سرگرمیوں کو کم کرنا تھا لیکن یہ ناکام ہوا ہے۔