افغان پناہ گزینوں کو انتخابات میں مداخلت کا کوئی حق نہیں، پاکستان

پاکستان کی وزارت داخلہ نے افغان پناہ گزینوں کو متنبہ کیا ہے کہ وہ پاکستان میں ہونے والے عام انتخابات کے دوران انتخابی مہم کا حصہ نہ بنیں۔

وزارت داخلہ پاکستان نے کہا کہ قانونی طور پر رہنے والے افغان پناہ گزینوں کو بھی کسی بھی سیاسی سرگرمی یا امیدوار کی حمایت کرنے کی اجازت نہیں ہے۔ خلاف ورزی کرنے والوں سے قانونی طور پر نمٹا جائے گا اور انہیں سیدھا ملک بدر کیا جائے گا۔

وزارت داخلہ پاکستان کے بیان میں کہا گیا ہے کہ ایسی سرگرمیوں میں ملوث کسی بھی افغان شہری کو پاکستان میں ان کی قانونی حیثیت سے قطع نظر ملک بدر کر دیا جائے گا۔