د قطر د فوټبال ملي لوبډلې د اسيا جام سياليو په پايلوبه كې د اتلولۍ جام خپل كړ.

آریانانیوز: دغه پايلوبه تېره شپه د متحده عربي اماراتو په ابوظبي ښار كې ترسره شوه او د قطر لوبډلې د يو په مقابل كې په درېيو ګولونو جاپان ته ماتې وركړه.

قطر په نيمه پايلوبه كې جنوبي کوريا ته ماتې ورکړې وه او جاپان بيا له ايرانه نيمه پايلوبه ګټلې وه.
جاپان تر دا مهاله څلور ځلې د فوټبال د اسيا جام سياليو اتلولي ګټلې، خو قطر تر دې وړاندې د سياليو وروستي پړاو ته هم لار نه وه موندلې.
نو په دې توګه قطر په لومړي ځل د فوټبال د اسيا جام سياليو اتل شو.