برخه -څانګه : world -+

د خپرولو وخت : چهارشنبه, 4 نوامبر , 2020 لنډ لینک :

په نایجیریا کې د بوکو حرام ترهګرو لخوا یو بل جرم

آریانانیوز: د نایجیریا په یوه کلي د بوکو حرام ترهګریز برید کې 12کسان وژل شوي دي...


د فرانسې خبري اژانس په وینا ، د نایجیریا په یوه کلي د ترهګري برید په پایله کې ۱۲ تنه وژل شوي .

د ځایی سرچینو په وینا ، د بوکو حرام ترهګرو په شمال ختیځ نایجیریا کې چیبوک ته نږدې په یوه کلي کې په برید کې ۱۲ کسان وژلي او اوه نور یې تښتولي دي.

ترهګرو ، چې په شپږو موټرو کې سپاره و ، له چیبوک څخه ۱۸کیلومتره وړاندې په یوه کلي برید وکړ او پر کلیوالو یې ډزې وکړې او کورو ته یې اور ورته کړ. د حکومت په ملاتړ د ملېشو د ډلې قوماندان وویل ترهګرو ۱۲ کسان وژلي دي. د قربانیانو څخه دوه زموږ د ډلې غړي وو.

د حکومت تر ملاتړ لاندې ډلې د غړو شمیر چې کلي ته د خلکو د دفاع لپاره راغلی د ترهګرو له شمیر څخه لږ وو. ترهګرو همدارنګه د دریو ښځو او څلورو ماشومانو په ګډون اوه تنه تښتولي دي. دوی ۷۰ کورونو ته اور واچاو او د کلیوالو ملکیتونه یې غلا کړل.

په ۲۰۰۹ کال کې د نایجریا په شمال ختیځ کې د بوکو حرام د بغاوت نه راهیسې تر ۳۶،۰۰۰ ډیر خلک وژل شوي دي. د یادونې وړ ده چې لاهم له ۲ ملیون څخه ډیر خلک پدې سیمه کې بې ځایه شوي دي او بیرته خپلو کورونو ته نشي ستانه کیدلی.

شریک یي کړئ!