هرات کې د سرطان د ناروغانو شمېر زیات شوی دی

په هرات ولایت کې د سرطان ناروغۍ پېښې د تېر کال په پرتله ۳۰ سلنه زیاتې شوې دي.

د “آنکولوژي” یا د سرطاني ناروغیو څانګې مشر فاروق احمد صدیقي د تېر کال په پرتله په سرطان د اخته کسانو شمېر ۳۰ سلنه زیاتوالی موندلی دی او زیاته کړې یې ده، چې د دغو ناروغیو تر ټولو عام د سینې او د مرۍ سرطان دی.

دغه معالج داکټر وايي: د سرطان ناروغي نوره هم عام شوې او کورنۍ باید طبي پاملرنې ته پام وکړي.

صديقي د دې خبرې په کولو سره چې په تيرو څلورو کلونو کې څه ناڅه ١٦ زره تنه په سرطان اخته کسانو د هرات ولايتي روغتون ته مراجعه کړې ده، صديقي څرګنده کړه: په هرات کې د سرطان د ناروغانو دغه ٣٠ سلنه زياتوالى د اندېښنې وړ دى.

په هرات کې د آنکولوژي څانګه یا د سرطان د تشخیص مرکز ۱۶ بسترونه لري، خو د دې ادارې چارواکي وايي، د سرطان ناروغانو د ۳۰ سلنه زیاتوالي له امله د دې څانګې ظرفیت ۱۰۰ بسترونو ته لوړولو ته اړتیا ده.

صديقي دا هم وويل، چې د کيموتراپي مرکز، دعملياتو خونې او راديوتراپي په څېر اسانتياوو ته اړتيا ده، څو دغه ناروغان ژر تر ژره تر تر درملنې لاندې راشي.