د کابل خصوصي پوهنتونونو لپاره د کورنیو چارو وزارت مهم پیغام

آریانانیوز: د امنیتي ګواښونو د زیاتوالي په تعقیب ، د کورنیو چارو وزارت د خصوصي لوړو زده کړو مؤسسو لپاره یوه نیټه ټاکلې چې خپل امنیت یې د 48 ساعتونو په اوږدو کې د عامه ساتنې ریاست ته وسپاري...

د کورنیو چارو وزارت په چوکاټ کې د عامه ساتنې ریاست د عامه تاسیساتو امنیت په ټول افغانستان کې د زرګونو امنیتي پرسونل سره چمتو کوي.

د وزارت ویندوی طارق آرین پرون وویل چې وروستۍ نیټه لازمي وه او د لوړو زده کړو موسسې چې نه یې مراعات کړي بند کړل شي.

ښاغلي آرین زیاته کړه چې تروریستي ډلې هڅه کوي په داسې بنسټونو برید سره په ټولنه رواني فشار راوړي او دا په ګوته کړي چې حکومت د امنیت په چمتو کولو کې ضعیف دی.

په ورته وخت کې د لوړو زده کړو وزارت د کورنیو چارو وزارت اقدام ستایلی او دا یې د خصوصي لوړو زده کړو مؤسسو لپاره د امنیتي تدبیرونو ښه والي په لور یو ګام بولي.

دا پریکړه دوه اونۍ وروسته له هغه کیږي چې دریو ځانمرګو برید کونکو په کابل پوهنتون برید وکړ دوی په 12 لړمو کې 22 کسان وژلي او تر 40 ډیر یې ټپیان کړي.