د تذکرو د ویش پر مرکز چاودنه

د کابل په شپږمه حوزه کې د تذکرو د ویش او ټاکنو لپاره د نوم لیکنې پر مرکز چاودنه شوې چې له امله یې د ځینو سرچینو په حواله تر اوسه ۶ تنه ټپیان روغتون رسول شوي دي.

پيښه تازه ده، تر اوسه یې په اړه معلومات وروستي شوي نه دي.
ځیني عیني شاهدانو ویلي چې دوی د پيښې وروسته قربانیان لیدلي دي خو د شمېر په اړه یې څه نه دي ویلي.
ویل کیږي چې چاودنه د اصف مایل په نامه لیسې شاته شوې ده.
ځینو سرچینو ویلي چې چاودنه د یوه سرتیرې په واسطه د قلعه نظر په سیمه کې د ټاکنو لپاره د نوم لیکنې پر مرکز شوې چې له امله یې مرګ ژوبله هم را منځته شوې.